GRUPI B - AFRIKA 2017
Islam Slimani, shënoi dy gola, por ekipi nuk fitoi dhe u eliminua nga Kupa e Kombeve të Afrikës/ Foto: L'Equipe
Edhe Algjeria e Mahrezit shkon në shtëpi
23 January, 2017 @22:08
Kupa e Kombeve të Afrikës po vazhdon të eliminojë ekipet që pritej të kalonin së paku në fazën çerekfinale të garave.
Pas organizatorit (Gaboni) dje, sot është eliminuar edhe Algjeria e mbushur me yje lider i së cilës është Riyad Mahrez. Algjeria barazoi me Senegalin në duelin e sotëm 2-2 (Papakouli Diop 43’, Moussa Soë 53’ - Islam Slimani 10’, 52’) dhe kështu pa fitore mbeti jashtë garës.
Në anën tjetër, Tunisi nuk fali Zimbabvenë dhe me fitore 4-2 siguroi fazën tjetër të garave bashkë me Senegalin.
Rezultatet:
| Algjeria - Senegali | 2-2 | ||
| Zimbabve - Tunisi | 2-4 |
TABELA PËRFUNDIMTARE E GRUPIT B:
| 1 | Senegali | 7 pikë | *kualifikohet | |
| 2 | Tunisi | 6 pikë | *kualifikohet | |
| 3 | Algjeria | 2 pikë | *eliminohet | |
| 4 | Zimbabve | 1 pikë | *eliminohet |
