FA
Edhe Gabriel, suspendohet
25 September, 2015 @23:21
Komisioni Disciplinor (KD) i Federatës së Futbollit të Anglisë, (FA), ka suspenduar mbrojtësin brazilian të Arsenalit, Gabriel Paulista, për një ndeshje moslojë.
Përkundër se kartoni i kuq i tij u hodh poshtë ditë më parë nga ky Komision, mosbindja e tij ndaj urdhërit të referit për dalje nga fusha, ka mbetur në fuqi dhe ai për këtë arsye do të vuajë dënimin prej një ndeshjeje moslojë për Topçinjtë.
Gabriel do të mungojë në ndeshje ndaj Leicester Cityt dhe do të paguajë shifrën e 10 mijë funtave si gjobë.
