Edhe Neziri te Besa

Serioziteti i madh i Besës së Pejës vazhdon. Ata përveç përforcimeve të nevojshme gjatë afatit kalimtar, kanë vazhduar të sjellin tani edhe lojtarë të dëshmuar për siguri më të madhe në ekip. 

Faqja zyrtare e klubit pak më parë ka njoftuar se ekipi pejan ka arritur marrëveshje me portierin e deritashëm të Fushë Kosovës, Flamur Neziri. 

Besa, që ka në portë Valmir Bytyqin e padiskutueshëm me Nezirin në ekip, nuk do të ketë më probleme fare në portë në rast të ndonjë lëndimi apo lodhjeje të njërit apo tjetrit portier, pasi që tashmë do të ketë dy gardianë të dëshmuar në dispozcion.