Edhe një talent në Milan

Milan është duke menduar seriozisht për të ardhmen dhe po punon në renovimin e ekipit. Sipas një njoftimi të lëshuar nga Gazzetta dello Sport sot, Milan dhe Verona kanë arritur marrëveshje që rossonerët të paguajnë gjysmën e kartoni të mesfushorit të ri brazilian të Veronës, Jorginho. 

Me këtë, 21 vjeçari do të jetë në pronësinë e dy klubeve, ndërsa do të vazhdojë të luaj në Veronë, derisa të arrijë të hyjë në Serie A. Bile, Milan ka pranuar që edhe nëse këtë stinor Verona nuk arrin të hyjë në Serie A, Jorginho të mbes edhe një stinor me skuadrën veroneze. Verona gjendet aktualisht në pozitën e tretë të Serie B me 53 pikë, katër më pak se Livorno në vendin e dytë dhe 11 më pak se Sassuolo që është lidere në ligën e dytë italiane. 

Jorginho është mesfushor 21 vjeçar dhe qe dy stinorë është pjesë e Veronës. Ai paraqitet standard për Veronën dhe punon shumë në mesfushë, derisa këtë stinor ka arritur të shënojë vetëm një gol në 28 paraqitje.