Ekemeni debuton me 2 gola, Rahoveci dështon 2 herë nga penalltia

Skuadra prizrenase, A&N, me dy golat e shënuara nga Effiong Ekemeni, e mposhti Rahovecin si mysafir me rezultat 1-2 [Ardit Gashi 45’ - Effiong Ekemeni 14’,73’].

Ekemeni që në lojën e parë të tij me fanellën e A&N-së, ka shkëlqyer. Ai në minutën e 14’ ka shënuar golin e parë të tij, kurse në fund të pjesës së parë Rahoveci dështoj nga penalltia, por menjëherë e barazoi rezultatin me Ardit Gashin, kurse Vigan Rexhaj u ndëshkua me karton të kuq.

Skuadra prizrenase në minutën e 73’ kaloi në epërsi me Ekemenin, derisa vreshtarët dështuan edhe një herë nga penalltia.

TABELA AKTUALE

A&N me këtë fitore, ngritet në pozitën e 8 në Grupin A me 19 pikë, kurse Rahoveci me 26 pikë gjendet në pozitën e pestë.

Në xhiron tjetër A&N do të përballet me Lirinë në derbin lokal, derisa Rahoveci takohet me Drenasin.