FORMACIONI IDEAL

REUTERS/Arkiv

Ekipi i stinorit në Europa League

15 May, 2014 @14:33

Pas fitores së mbrëmshme të Sevillës në finalen e Europa League dhe ngritjes së trofeut të tretë në nëntë vitet e fundit, Goal.com ka përzgjedhur 11-shen më të mirë të stinorit në këtë garë.

Portieri i Baselit, Yann Sommer, ka marrë pozitën e numrit një me paraqitje fenomenale gjatë gjithë rrugës së ekipit zviceran në Europa League.

Në mbrojtje, te katërshja që po e ruan portën e tij janë vendosur, Alberto Moreno i Sevillës, Luisao i Benficës bashkë me Jeremy Mathieu-në e Valencias, ndërsa në krah të djathtë është përsëri një futbollist i Benficës, Maxi Pereira.

Në mesfushën treshe, kanë ardhur dy lojtarë të Sevillës të cilët kanë qenë edhe futbollistët të cilët janë treguar si lojtar kyq të ekipit Andaluzian në rrugën e tyre për trofe. Stephane M’Bia dhe Ivan Rakitic, janë bashkë me Andrea Pirlon, treshja e mesfushës.

E në sulm, Paco Alcacer i Valencias, Soriano i Baselit dhe Kevin Gameiro i Sevillës kompletojnë pjesën shënuese të këtij ekipi ideal për stinorin 2013/14 në Europa League.

Formacioni i stiorit në EUROPA LEAGUE 2013/14:

Portier:	Yann Sommer (Basel);
Mbrojtës:	Alberto Moreno (Sevilla), Luisao (Benfica), Jeremy Mattheiu (Valencia) dhe Maxi Pereira (Benfica);
Mesfushorë:	Stephane M'Bia (Sevilla), Ivan Rakitic (Sevilla) dhe Andrea Pirlo (Juventus);
Sulmues:	Kevin Gameiro (Sevilla), Soriano (Basel) dhe Paco Alcacer (Valencia);