FRANCA
REUTERS
Nasri lë Francën!
15 May, 2014 @14:09
Mesfushori francez i Manchester Cityt, Samir Nasri, mund ta lë përfaqësuesen franceze.
Ai është dukur tejet i zhgënjyer pas mosmarrjes së ftesës nga përzgjedhësi i përfaqësueses franceze, Didier Deschamps, për Kampionat Botëror, Brazili 2014, raportojnë mediat e huaja.
“Më duhet të rishqyrtoj gjithçka. E respektoj vendimin e trajnerit Deschamps, mirëpo më duhet të mendoj edhe njëherë për përfaqësuesen pasi që tashmë po i marrin dy Kampionate Botërore nga unë,” është cituar të ketë thënë Nasri për Sky Sports.
Ish lojtari i Arsenalit, 26 vjeçari Nasri ka qenë pjesë e Francës në kualifikime, por nuk e ka parë veten në listë për Brazil. Përkundër se ka qenë pjesë e dy Kampionateve Europiane, EURO 2012 dhe EURO 2008, ai nuk ka marrë pjesë në asnjërin nga Botërorët, Afrika Jugore 2010 dhe tash Brazili 2014.
Nasri në tre vitet e fundit është shpallë dy herë kampion i Anglisë me Manchester Cityn dhe mban 41 paraqitje me Francën, për të cilën ka shënuar 5 gola.
