NË PEJË
Elshani e Shabani me gola, Besa mban hapin
25 September, 2016 @16:45
Besa e Pejës ka shënuar fitore të rëndësishme ndaj Dritës sot në Pejë.
Njeriu që ka vendosur rezultatin e ndeshjes ka qenë Qemail Elshani, që tashmë ka regjistruar pesë gola të shënuara me ekipin - dhe besoni apo jo - të gjitha vendimtare për ekipin pejan.
Sidoqoftë, goli i Elshanit kishte bërë që Drita të hidhet në sulm, e Besa të tentonte me kundërsulme, që krejt në fund, përmes Xhevdet Shabanit vulosi fatin e takimit me 2-0.
Drita u mundua për të bërë diçka më shumë gjatë pjesës tjetër të ndeshjes, por trajneri boshnjak Alagic, nuk arriti të gjej formulën për të nxjerrë pikë ndaj pejanëve.
Drita kështu regjistroi disfatën e pestë të stinorit, ndërsa Besa që dominoi në ndeshje mban hapin me kreun e klasifikimit duke qenë ende pa humbje dhe në treshen kryesuese.
Kjo ka qenë fitorja e parë e Besës pas tre ndeshjeve me barazim radhazi.
