Embolo në Schalke

Sapo përfundoi Kampionati Europian për Zvicrën, menjëherë filluan edhe lëvizjet e lojtarëve.

Talentin 19 vjeçar Breel Embolo, e rrëmbeu skuadra gjermane, Schalke, e cila sot e zyrtarizoi transferin e sulmuesit.

Sipas njoftimeve jozyrtare nga mediat gjermane, thuhet se Schalke ka paguar dëmshpërblim prej 25 milionë eurove për të nënshkruar kontratë 5 vjeçare me Embolon.

Embolo në stinorin e fundit ka shkëlqyer me Baselin duke shënuar 10 gola e 7 asistime në kampionat, ndërsa ky fakt ka tërhequr vëmendjen edhe të skuadrave të mëdha si Arsenal, Barcelona e Manchester United, të cilët ishin të interesuar për ta transferuar atë.