BOROZANI.COM LOJTARI I JAVËS
Endrit Krasniqi në duelin e fundit Liria - Prishtina/ Foto: prishtinafc.com
Endrit Krasniqi, më i miri i xhiros II
29 August, 2016 @10:00
Mesfushori i ri i Prishtinës, Endrit Krasniqi, është përzgjedhur lojtari i javës në xhiron e dytë të Superligës së Kosovës nga Borozani.com.
Krasniqi, me golat e tij i ka sjellë fitoren e Prishtinës ndaj Lirisë në Prizren.
Por, golat e tij nuk kanë qenë sa për të thënë. Ai ka shënuar dy gola vetëm falë aftësive të tij, që kanë dalë të jenë vendimtare për ekipin e Kushtrim Munishit në fitoren e dytë me radhë të stinorit.
Krasniqi së pari shënoi nga 25 metra, duke e marrë topin në mesfushë dhe duke depërtuar shpejtë deri sa ia bëri ‘mat’ portierit Armend Ruxhi.
E goli i dytë i tij, ka qenë përsëri punë e tij. Gjatë rezultatit 1-1, ai në mesin e yjeve të shumtë të skuadrës, mori përgjegjësinë për të shutuar gjuajtjen e lirë, të cilën e shndërroi në gol të fitores.
LOJTARI I JAVËS 2016/17:
| 1 | Xhiroja I | Xhevdet SHABANI | KF BESA, Pejë | |
| 2 | Xhiroja II | Endrit KRASNIQI | KF PRISHTINA, Prishtinë |
