Ëndrra, triumfi në Champions me PSG

Lionel Messi sot ka mbajtur konferencën e parë për shtyp si lojtar i PSG-së, ndërsa ndër fjalitë më të theksuara të tij ka qenë dëshira për të fituar Champions League me ekipin e tij të ri.

“Besoj që mund ta bëjmë këtë. Kemi ekip për ta arritur këtë sukses. Ndërsa qëllimi dhe ëndrra ime është që të fitoj Ligën e Kampionëve edhe njëherë,” ka thënë Messi 34-vjeç gjatë prezantimit të tij si parisien i ri.

Messi u largua nga Barcelona, ku qëndroi prej moshës 13-vjeçare, pasi që klubi nuk arriti të përmbush kriteret financiare të LaLigas.

PSG, që luajti finalen e Ligës së Kampionëve në vitin 2020 dhe e humbi atë ndaj Bayernit, po shikon që ta fitojë për herë të parë këtë garë.

Lionel Messi ka fituar 6 herë Topin e Artë.