GOODISON PARK
Evertoni bindës
6 April, 2014 @16:24
Pesë xhiro pa përfunduar stinori në Premier League, Arsenal, ka pësuar edhe një goditje të rëndë. Ata janë mposhtur nga Evertoni në Goodison Park me rezultat bindës 3-0, duke konfirmuar jostabilitetin si ekip.
Everton që është në formë të shkëlqyer ka arritur të shënojë fitoren e pestë në pesë ndeshje të fundit, derisa Arsenal vazhdon të vuaj për fitore qe katër xhiro në Premier League.
Ka qenë Steven Naismith, që hapi serinë e golave për të kaltërit e Liverpoolit, derisa Romelu Lukaku me një veprim individual çoi skuadrat në pushim 2-0, e në pjesën e dytë një autogol vulosi fatin e ndeshjes në të mirë të ekipit të Roberto Martinezit, që tashmë konkurron Arsenalin për një vend që dërgon në Ligë të Kampionëve.
Rezultatet dhe tabela aktuale.
FAKT:
| Sulmuesi i huazuar nga Chelsea, që po luan në Everton këtë stinor, Romelu LUKAKU, me golin e sotëm ka shënuar golin e tij të 13-të të stinorit. Me këtë gol ai ka kaluar Samuel ETO'O dhe Fernando TORRES, bashkë, që po luajnë te Chelsea. |
