BIANCONERI
Evra dhe Morata, te Juve!
19 July, 2014 @11:01
Sulmuesi i Real Madridit, Alvaro Morata, ka arritur në Torino për të bërë kontrollt mjekësore, para se të nënshkruaj për kampionin e Italisë - Juventus.
Mediat italiane gjithashtu kanë njoftuar se te Bianconerët është duke qëndruar edhe krah mbrojtësi i Manchester United, Patrice Evra, i cili gjithashtu është duke i kryer modalitetet e fundit para nënshkrimit.
Sipas Sky Sport Italia, thuhet që Juventus do t’i paguajë Real Madridit 18 milionë euro për sulmuesin.
Sa i përket françezit Evra, Juventus për këtë do t’i paguajë 2 milionë euro Manchester Unitedit.
Juventus është kampion i trefishtë i viteve të fundit në Itali, derisa ditë më parë prishi muhabetin me trajnerin Antonio Conte dhe në vend të tij solli Massimiliano Allegrin - që pritet të sjellë një frymë të re te ekipi bardhezi nga Torino.
