Evra te kampioni italian

Vetëm 8 javë më parë, Patrice Evra, vazhdoi kontratën me Manchester Unitedin. Mirëpo, atij iu dha leja që të ndërrojë mjedis. 

Kështu ai pëlqeu të jetë pjesë e kampionit italian, Juventus, përkundër se Bianconerët ndërruan trajnerin këto ditë. 

Sipas faqes zyrtare të Juventusit, Manchester United do të pranojë 1.2 milionë funta, në dy këste, ndërsa në rast të kualifikimit të Bianconerëve në Ligë të Kampionëve në stinorin 2015/16 - Manchester United do të përfitojë edhe 300 mijë funta tjera. 

Juventus ka nënshkruar kontratë dy vjeçare me 33 vjeçarin.