CITY
Lëndohet Negredo
21 July, 2014 @13:48
Kampioni aktual i Anglisë, Manchester City, duhet t’ia gjejë çaren sulmit të ekipit në fillim të kampionatit pasi që sulmuesi spanjoll i tyre, Alvaro Negredo, është lënduar në stërvitje dhe do të mungojë për disa muaj.
Negredo 28 vjeç nuk ka saktësuar se sa do të mbetet jashtë fushave, por pritet që lëndimi i tij ta lë atë në tribuna deri në fund të shtatorit së paku.
“Do të kthehem më i fortë se kurrë,” ka shkruar vetë Negredo në profilin e tij në Instagram, pasi që ka bërë të ditur për lëndimin.
Ish lojtar i Real Madridit, që asnjëherë s’fitoi rastin e duhur për të qenë me madrilenët pati shkëlqyer te Sevilla në katër stinorët e shkuar, derisa në fillim të stinorit të kaluar u transferuar në Manchester City për 25 milionë euro.
Negredo shënoi 9 gola në 32 paraqitje për kampionin anglez.
