Lovren, edhe më afër Liverpoolit

Nënkampioni i Anglisë, Liverpool, është shumë afër nënshkrimit të kontratës me qendërmbrojtësin kroat të Southamptonit, Dejan Lovren. 

Lovren, që erdhi në Angli nga Olympique Lyon stinorin e kaluar dhe ka treguar lojëra impresionuese në njërin ndër stinorët më të mirë të Southamptonit në Premier League. 

Liverpool ka ofertuar me 20 milionë funta për shërbimet e tij, ofertë kjo që pritet të aktivizojë lirimin e tij nga Southampton. 

Nëse kompletohet transferi i Lovren, ai do të bëhet përforcimi i pestë i Brendan Rodgersit para stinorit të ri të Premier League pas: Rickie Lambert, Adam Lallana, Emre Can dhe Lazar Markovic. 

Lovren 25 vjeç ka qenë për 270 minuta pjesë e Kroacisë në Kampionatin Botëror “Brazili 2014” duke qenë ndër përzgjedhjet kryesore të trajnerit, Niko Kovac. Ai ka kaluar 6 stinorë të plotë në Lyon të Francës, prej se kishte ardhur nga Dinamo Zagreb.