S’ka ofertë

Pas përfoljeve se Arsenali ka ofertuar për sulmuesin italian të Milanit, Mario Balotelli, lajmi është përgënjeshtruar nga drejtuesit Rossonerë, por edhe nga vetë trajneri i Arsenalit, Arsene Wenger. 

“Ne nuk kemi pranuar asnjë ofertë për Balotellin,” është cituar të ketë thënë shefi i Milanit, Adriani Galliani, derisa edhe Wenger ka thënë se Arsenali nuk është duke kërkuar sulmues. 

“Nuk kemi nevojë për lojtarë në repartin ofanziv, ndoshta do ta kërkojë një qendërmbrojtës. Një portier do ta marr sigurisht. E pjesa ofanzivce do të varet nga disponimi dhe larg qoftë, lëndimi i  lojtarëve,” ka thënë trajneri françez i Arsenalit, transmeton Soccerway.

Sidoqoftë, deklaratat e dyshes në fjalë kuptohen të shihen se nuk janë me vulë, prandaj përkundër të gjithave, duke ditur se Milan dëshiron të lirohet nga Balotelli e në anën tjetër Wenger mendon se do t’i duhet një sulmues i kalibrit të tij - mund të pritet gjithçka.