FILLIMI I 2015
Premier League/ Facebook
Falcao shpëton Unitedin
1 January, 2015 @16:12
Stoke City ka arritur të ndalë Manchester Unitedin me barazim në Britannia Stadium sot, në ndeshjen e parë të Vitit të Ri në Premier League.
Stoke, më i përkushtuar
Për më tepër, ekipi i ish lojtarit të dikurshëm të Manchester Unitedit, Mark Hughes, ka pasur raste ideale për të fituar ndeshjen, por sulmuesit e tij nuk u treguan të saktë në raste ideale, derisa edhe referi nuk e pa një lojë me dorë të mbrojtësit Chris Smalling në zonë.
Golat
Ryan Shawcross shënoi golin e parë të vitit në Premiership, duke ndërruar drejtimin e goditjes me kokë nga Peter Crouch që në minutën e parë të takimit.
E për ekipin e Louis Van Gaalit, barazoi Radamel Falcao, që u gjend më së miri në zonë, pas një korneri, kur edhe barazoi në 1-1.
Nisin vitin me barazim
Kosovari Adnan Januzaj luajti në 26 minutat e fundit të ndeshjes, kur zëvendësoi mbrojtësin Luke Shaw, por pa arritur të ndërrojë diçka sa i përket rezultatit.
Barazimi për Stoke Cityn ka qenë i pari pas dy fitoreve në xhirot e shkuara, derisa United ka regjistruar të dytin me radhë pas atij ndaj Tottenham Hotspur.
FAKT:
| Ryan Shawcross ka realizuar golin e dytë të stinorit, derisa Radamel Falcao të tretin; |
