Ferencvaros ateron, Prishtina gati për përballjen e kthimit

Kampioni i shumëfishtë i Hungarisë, Ferencvaros, para pak çastesh ka ateruar në Kosovë dhe tashmë do të bëhet gati për ndeshjen e kthimit të raundit të parë kualifikues ndaj Prishtinës, kampione të Kosovës.

Prishtina në anën tjetër ka bërë të ditur se është e gatshme për duelin e radhës, ndërsa seancën e fundit stërvitore do ta mbajë sonte prej 20:30.

Prishtina përkundër rezistencës së fuqishme në pjesë të parë të ndeshjes, në një 10-minutësh të pjesës së dytë pësoi 3 herë për përfundimtaren 3-0 në të mirë të hungarezëve.

Sidoqoftë, bardhekaltërit kampionë të Kosovës do të tentojnë së paku të shënojnë gol dhe të vështirësojnë punët e Ferencvarosit në përballjen që luhet nesër mbrëma me fillim prej orës 20:00 në Fadil Vokrri.