FERIZAJI-TREPÇA
Ferizaj ‘godet’ Trepçën
7 May, 2017 @18:48
Me dy gola të shënuara në pjesë të parë, Ferizaji ka shënuar fitore ndaj Trepçës në derbin e pjesës së fundit të klasifikimit të Superligës.
Milan Ristovski dhe Shpëtim Babaj kanë shënuar shpejt brenda 20 minutave të para të takimit për të krijuar epërsinë 2-0 në të mirë të vendasve sot, që kanë siguruar tre pikë të radhës në Superligë.
Në pjesë të dytë, Ferizaji ka nisur përsëri me sulm por gola nga ata më nuk kishte. Sidoqoftë, fundi i ndeshjes i gjeti të rrezikuar në fitore, pasi që Trepça kishte shënuar përmes Pleurat Hajdinit me një parabolë në minutën e 70-të. Por, kjo ishte e tëra sa i përket përfundimtares në këtë ndeshje.
Ferizaji vazhdon të shpresojë të dalë nga zona e barazhit, derisa Trepçës i vështirësohet edhe më shumë puna.
