Ferizaj shpëton një pikë në kryeqytet

Seria pa fitore e Prishtinës (duke mos llogaritur fitoren me rezultat zyrtar të javës së kaluar) ka vazhduar edhe këtë javë.

Ekipi i udhëhequr nga Bylbyl Sokoli nuk ka mundur të arrijë më shumë se një barazim në përballjen me skuadrën e fundit të radhitjes tabelare, Ferizajin.

Madje mysafirët ishin të parët të cilët kaluan në epërsi me anë të golit të sulmuesit, Enis Kuka, në minutën e 27’, derisa në minutat e lojës shtesë të pjesës së parë rezultatin e barazoi Liridon Latifi.

Ky i fundit kishte rast për të shënuar së paku edhe një herë në pjesën e dytë, mirëpo porta e mysafirëve mbeti e paprekur deri në fund të takimit.

Me këtë barazim Prishtina tani ka 12 pikë dhe gjendet në pozitën e gjashtë, ndërsa Ferizaji mbetet e fundosur në tabelë me vetëm 4 pikë.

Rezultatet dhe tabela aktuale.