FERIZAJI vs FERONIKELI
Feronikeli bie në Ferizaj, mposhtet pas 2 muajve
20 November, 2016 @14:59
Kampioni aktual i Superligës së Kosovës, Feronikeli, është mposhtur sot nga Ferizaji 2-0, duke pësuar për herë të parë pas 2 muajve në Superligë.
Ferizaji me Arsim Abazin në krye të saj ka shënuar fitoren e dytë me radhë të stinorit, ndërsa golat e ekipit bardhekaltër kanë ardhur në pjesë të parë të ndeshjes kur Elbasan Thaqi ka shënuar për epërsi, ndërsa para fundit të pjesës së parë Muhabi Bushi ka përcaktuar rezultatin përfundimtar të ndeshjes, 2-0.
Te të dy golat e Ferizajit ka asistuar mesfushori që po shkëlqen këto ditë te bardhekaltërit, Jasir Selmani, që erdhi nga elita e futbollit maqedonas.
