Trepça ia bën sefte, largohet nga vendi i fundit

Në ndeshjen e dytë nën drejtimin e Nazmi Ramës, Trepça e ka shënuar fitoren e parë sezonale.

Skuadra mitrovicase e fitoi takimin e luajtur në stadiumin “Adem Jashari” me rezultat 3-0 ndaj skuadrës së Hajvalisë, për t’u larguar kështu nga vendi i fundit në tabelën e klasifikimit.

TABELA AKTUALE SUPERLIGA

Epërsinë vendasit e morrën që në minutën e 17’ me golin e Ymer Berishës, ndërsa fitorja u vulos nga golashënuesi më i mirë i skuadrës, Hasan Hyseni, i cili shënoi 2 gola të tjerë për rezultatin përfundimtar 3-0.

Me 2 golat e shënuara sot, Hyseni kap shifrën e 6 golave sezonale dhe futet në listën e top5 golashënuesve më të mirë në ligë.

Luftën për mbijetesë Trepça e vazhdon xhiron e ardhshme ndaj Besës në Pejë, kurse Hajvalia poashtu e rrezikuar, e pret në shtëpi Dritën.