FLAMURTARI - FERONIKELI
Përsëri ndalet në Prishtinë
31 March, 2019 @19:01
Për herë të dytë brenda 4 xhirove Feronikeli është ndalur në Fadil Vokrri të Prishtinës.
Katër xhiro më parë ekipi i Zekirija Ramadanit u ndal nga Prishtina 1-1, ndërsa sot pas dy fitoreve radhazi nuk arritën ta kalojnë Flamurtarin në stadiumin e njëjtë.
Raste pati në ndeshje nga të dyja palët, por goli nuk erdhi pas tentimeve të lojtarëve ofanziv të të dyja palëve.
Me këtë barazim 0-0 të Feronikelit, tashmë Prishtina është vetëm 3 pikë larg vendit të parë.
Në anën tjetër Flamurtari vazhdon të luftojë për një vend që siguron mbijetesën në Superligë.
Feronikeli në xhiron e radhës pret Ballkanin në shtëpi, derisa Flamurtari udhëton në Mitrovicë për t’u përballur me Trepçën ‘89.