Feronikeli i Ramadanit mposht liderin, bëhet lider

Feronikeli është lider i ri i Superligës së Kosovës. Pas fitores ndaj liderit të deritashëm, Flamurtarit, Feronikeli i drejtuar nga Zekirija Ramadani ka kaluar në vend të parë të klasifikimit.

Ekipi nga Drenasi ka nisur furishëm ndeshjen, duke tentuar që në momentet e para të ndeshjes të shënojë, dhe kjo iu shpërblye me gol, kur Mendurim Hoti u gjend më së miri në zonë, pas një gjuajtjeje të lirë, për të shënuar për 0-1 (13’).

Flamurtari sikur nuk e llogariti këtë gol fare, dhe iu sul portës kundërshtare dhe pati raste për të barazuar në pjesë të parë, por goli nuk erdhi.

TABELA AKTUALE

Sidoqoftë, me të nis pjesa e dytë, golashënuesi më i mirë aktual i Superligës, Alban Shillova barazoi shifrat në terren. Ai me të nisur ndeshja pas një akcioni të shpejtë shënoi për 1-1 (46’).

Ndeshja u hap dhe rastet nuk munguan në pjesën e dytë. Mirëpo, golat u shënuan vetëm nga mysafirët.

Së pari ka qenë Agostinho Da Silva që i dha epërsinë Feronikelit me golin e tij në minutën e 60-të të ndeshjes, ndërsa 10 minuta më vonë, Artur Magani shënoi nga afëria për 1-3 (70’) për atëa që u bë rezultati përfundimtar i ndeshjes.

Me këtë fitore, Feronikeli ka kaluar në krye të klasifikimit, ndërsa Flamurtari ka përjetuar humbjen e parë të stinorit.

11-shet startuese: