SUPERKUPA E KOSOVËS 2016
Ferronikeli apo Prishtina?!
13 August, 2016 @10:32
Me fillim në ora 16 sot në “Shahin Haxhiislami” të Pejës, Ferronikeli e Prishtina do të luftojnë për trofeun e parë të stinorit të ri 2016/17.
Ferronikeli si kampion aktual, e Prishtina si fituese e fundit e Kupës së Kosovës - të zhgënjyer nga mosdalja në Europë për shkak të mospërmbushjes së kritereve nga UEFA - e të përforcuar për stinorin 2016/17 për të luftuar për titull - sot dalin në betejën e parë.
Ferronikeli, që në vitet e fundit përjetoi ngritje të hatashme, tashmë ka të fituar Kupën e Kosovës dhe titullin kampion, ndërsa Superkupën e ka mungesë në vitrinat e klubit, që po mbushen shpejt në vitet e fundit.
Në anën tjetër, Prishtina si klubi më i trofeshëm në vend, pas disa reformave, kësaj radhe mendon se ka ardhur koha që të thotë fjalën kryesore në futbollin kosovar. E sa janë të gatshëm, do të shihet sot në fushë.
BASTORET LOKALE:
| Ferronikeli fiton - 2.10 koef | Barazim 90 min. - 3.00 koef | Prishtina fiton - 3.10 koef. |
SUPERKUPAT:
| 1 | PRISHTINA: | Prishtina e ka fituar Superkupën 8-të herë, 2-herë para luftës (1994/95) dhe 6-herë pas luftës (2000/01, 2003/04, 2005/06, 2007/08, 2008/200 | ||
| 2 | FERRONIKELI: | Nuk e ka fituar asnjëherë. |
