LIDERI I RI
Ferronikeli lider
25 October, 2014 @16:03
Sulmuesi i Ferronikelit, Elhami Berisha, ka arritur të realizojë penalltinë 5 minuta para fundit të takimit për të shënuar golin e vetëm të ndeshjes për fitoren e madhe të ekipit të tij ndaj Hajvalisë.
Goli i Berishës përkundër që i dha tre pikë ekipit të Gani Sejdiut, ai i ngriti ata edhe në pozitën e liderit të Superligës aktualisht.
Hajvalia kishte iniciativë të lehtë në pjesë të parë dhe raste, mirëpo nuk konkretizoi asgjë në terrenin përplotë me lloç.
Minuta vendimtare, Përparim Livoreka i Ferronikelit provoi një krosim në zonë, derisa Përparim Islami i Hajvalisë ndali topin me dorë në zonë, kur referi Kreshnik Vula pa mëdyshje akordoi penallti për mysafirët.
Në fund, Hajvalia përfundoi ndeshjen me 10 lojtarë kur qendërmbrojtësi me përvojë i tyre Erdin Hashani morri edhe kartonin e dytë të verdhë.
Ferronikeli merr lidershipin e Superligës me këtë fitore, derisa Hajvalia bie në pozitën e tretë të klasifikimit.
