Festa madrilene në Lisbonë

Shumë pak njohës futbolli kanë parashikuar titullin kampion për Atletico Madridin në fillim të stinorit 2013/14 të La Ligas. Mirëpo, nxënësit e Diego Simeones kanë siguruar këtë në ndeshjen e fundit, me rezultat 1-1 ndaj Barcelonës, duke e merituar plotësisht titullin e parë kampion që nga viti 1996. 

Lojën impresive të treguar në La Liga, Rojiblancot e kanë vazhduar në të njejtën mënyrë edhe në Ligë të Kampionëve. Ata janë ekipi i vetëm që nuk ka pësuar ende këtë stinor në Europë. 

Derisa jorganxhinjtë e Atleticos eliminuan Chelsean në gjysmëfinale, fqinjtë e tyre mbretër, Real, eliminuan kampionin e stinorit të kaluar, Bayern Munchen në një stil madhor. 

Para finales të së shtunës, Atletico Madrid ka probleme me lëndime. Sulmuesi i tyre kryesor, Diego Costa, është në pikëpyetje të madhe se a do të paraqitet apo jo në lojën kryesore të skuadrës së tij për shkak të një lëndimi. 

Hispaniku Costa është kontrolluar dje nga mjekja e njohur serbe në Beograd që i ka shtuar besimin se mund të luaj, derisa mesfushori turk Arda Turan, ka marrë leje nga specialisti i tij për lojë. 

Në anën tjetër, ekipi mbretëror, Real Madrid, është duke e kërkuar trofeun jubilar europian këtë stinor. Ata misionin për këtë arritje e quajtën La Decima. 

Për më tepër, edhe lojtarët më të mirë e më të shtrenjtë të tyre, Cristiano Ronaldo dhe Gareth Bale, janë kursyer në fund të stinorit ashtu që të jenë 100% të gatshëm për finale dhe të mos lëndohen. 

“Prej sulmuesve e deri te portieri, ekipi e di shumë mirë se si duhet luajtur për të arritur suksesin, ashtu që suksesi të del në pah dhe jo dobësitë tona. Natyrisht që edhe ne sikurse çdo skuadër, kemi dobësitë, por shpresojmë që mos të na dalin në pah,” ka thënë argjentinasi Diego Simeone, trajneri i Atleticos historike këtë stinor. 

“Të gjithë madridistët janë duke e ëndërruar finalen - La Decima. Të gjithë jemi të entuziazmuar, kështu që duhet të fitojmë. Do të jetë ndeshje e veçantë, pasi që luaj në shtetin tim,” ka thënë ylli më i shndërritshëm i ekipit të Carlo Ancelottit, Cristiano Ronaldo. 

Koefiecientet:

Statistika para finales në Lig të Kampionëve: