KUNDËR SENEGALIT
BOROZANI/ Erdis Driza
Me Mavrajn e Rrahmanin
22 May, 2014 @17:19
Mërgim Mavraj dhe Amir Rrahmani janë dy përforcimet e reja të Kosovës për ndeshjen kundër Senegalit.
Përzgjedhësi Albert Bunjaku do të ketë në dispozicion dyshen në fjalë për ndeshjen e 25 majit, ndërsa është në kërkim eddhe të disa emrave të tjerë për t’i zëvendësuar lojtarët që do të mungojnë.
Futbollistët si Mehmet Hetemaj, Lum Rexhepi, Anel Rashkaj e Dardan Rexhepi, të cilët luajtën kundër Turqisë, nuk do të luajnë në ndeshjen kundër Senegalit pasi kanë obligime me klubet e tyre.
Mavraj do të jetë shtyllë e fortë për mbrojtjen kosovare, e cila çaloi mjaftë shumë në ndeshjen kundër Turqisë, sikurse edhe mbrojtësi 20 vjeçar i Partizanit, Amir Rrahmani.
