Fetahu ndahet me Ferronikelin

Njëri ndër mesfushorët më me përvojë në Superligën e Kosovës, Shpëtim Fetahu, është ndarë me marrëveshje nga skuadra lidere e vjeshtës, Ferronikeli. 

Njoftimin e ka bërë të ditur vetë faqja e Ferronikelit në Facebook, duke kumtuar arsyet familjare të lojtarit për të qëndruar sa më afër familjes në Mitrovicë. 

Klubi drenicak ka falenderuar lojtarin për kontributin e tij të dhënë derisa ka qenë pjesë e skuadrës, ndërsa nuk është mohuar që mesfushori në fjalë do të mund t’i bashkëngjitet ndonjërës nga skuadrat mitrovicase në Superligë. 

Fetahu ka pasur kontratë valide me Ferronikelin deri në fund të këtij stinori.