Fituan ndeshjen, humbën Jamesin

Real Madrid ka shënuar fitore të rëndësishme mbrëmë ndaj Sevillës në kuadër të ndeshjes së mbetur të La Ligas. 

Me këtë ekipi ka rikthyer epërsinë 4 pikëshe në tabelë ndaj Barcelonës ndjekëse, mirëpo ata si duket kanë humbur James Rodriguezin e ardhur këtë stinor nga Monaco për dy muaj të ardhshëm. 

Njoftimin për këtë e ka dhënë Eurosport, që ka bërë të ditur se pas ekzaminimit mjekësor, ai pritet të mungojë për 2 muajt e ardhshëm, pasi që është konstatuar se ka thyerje të një ashti në këmbën e djathtë të tij, pas lëndimit të pësuar në minutën e 27-të të ndeshjes së mbrëmshme. 

Real Madrid pritet të dalë sot brenda ditës me njoftim zyrtar lidhur me kohëzgjatjen e lëndimit të mesfushorit të talentuar kolumbian.