Hajvalia zhvendoset në Prishtinë

Hajvalia, që përfundoi në vend të dytë pjesën vjeshtore të Superligës, tashmë ka siguruar një strofullë të re të përkohshme për ekipin. 

Ata do të luajnë ndeshjet si vendas në stadiumin e qytetit të Prishtinës, derisa këtë e kanë shkruar në faqen zyrtare të tyre në Facebook. 

Hajvalia në stadiumin e saj në Kishnicë kishte probleme gjatë vjeshtës, pasi që ajo njëherë u suspendua për shkak të kushteve shumë të dobëta aty. 

Mirëpo, përkundër sanimit të këtij stadiumi në pjesët kyqe, me trajnerin e ri Ismet Munishi, Hajvalia tashmë synon titullin e kampionit dhe për këtë arsye, ata kërkojnë që të luajnë në stadium të mirë - dhe e përzgjodhën stadiumin e qytetit të Prishtinës.