FFK-ja rishqyrton rastin Ahmeti

Pas Vendimit për ndërprerjen e marrëdhënies së punës së zëvendës sekretarit të FFK-së, Arianit Ahmeti, Inspektori i Punës ka kërkuar që të rishqyrtohet Vendimi i FFK-së.

E për këtë, FFK-ja dje ka lëshuar një sqarim për media, ku i nënshkruari Eroll Salihu, sekretar i FFK-së ka bërë të ditur se çka do të ndërmirret tash e tutje me këtë rast.

“Ne kemi pranuar një vendim nga Inspektorati i Punës, që kërkon nga FFK-ja të rishqyrtojë edhe njëherë procedurën e ndërprerjes së marrëdhënies së punës së Arianit Ahmetit. Pra, kërkesa është që të rishqyrtohet procedura dhe në asnjë rast Inspektoriati nuk ka evidentuar që nuk ka bazë për ndërprerjen e marrëdhënies së punës,” është thënë në sqarim.

Shpejt, organet e brendshme të FFK-së konform dispozitave të Ligjit të Punës, akteve të brendshme dhe vendimit të Inspektoriatit, do të ndërrmarrin veprimet ligjore në afatin e paraparë dhe do të informojë Inspektoratin dhe palët.

Kujtojmë Ahmeti kishte nisur një “luftë” të brendshme në FFK duke kërkuar që të bëhet kandidat për kryetar.