FERIZAJ - BALLKANI
Fitore e madhe, Ferizaji del nga zona e rënies
1 March, 2019 @15:44
Me Bylbyl Sokolin trajner, Ferizaji ka shënuar fitoren e dytë me radhë si vendas në pranverë dhe kaq i ka mjaftuar për të dalë nga zona e rënies në Superligë.
Bardhekaltërit kanë mposhtur Ballkanin me rezultat minimal me golin e shënuar nga Bashkim Shala 5 minuta para fundit të ndeshjes.
Kjo ka qenë humbja e parë e Ballkanit në pranverë në Superligë dhe ka ardhur në saje të pakujdesisë së portierit Armend Ruxhi.
Sa i përket ndeshjes, në pjesë të parë raste ka pasur edhe Ballkani, përmes Blend Baftiut, por goli s’ka ardhur.
Derisa humbja e parë për Ballkanin në pranverë nuk i rrezikon ende, për Ferizajin kjo fitore ka qenë jetike, pasi që tashmë ata kanë dalë mbi Lirinë e Prizrenit dhe janë në zonë që jep shpresë për mbijetesë.
