BALLKANI - KEK-u
Fitore për ngjitje dy pozita
23 February, 2019 @15:04
Ashtu siç edhe pritej, skuadra e Ballkanit ka arritur të shënojë fitore ndaj KEK-ut në shtëpi, me mysafirët nga Obiliqi që me shumë gjasa sezonin e ardhshëm do të luajnë në Ligën e Parë.
Blend Baftiu shënoi me të djathtën për 1-0 në minutën e 32’ të ndeshjes, derisa vulosja e fitores u bë nga Borçe Manevski, i cili shënoi një gol mjaft të bukur me parabolë për 2-0.
Pak sekonda para fundit, Ballkani e gjeti edhe golin e tretë përmes Besnik Krasniqit, i cili bëri që ndeshja të mbyllet me rezultatin përfundimtar 3-0.
Kjo fitore bën që Ballkani të ngjitet në vendin e gjashtë në tabelë, derisa KEK-u mbetet edhe më tutje pa shpresë për shpëtim.
FORMACIONET STARTUESE
| Ballkani: Ruxhi, Krasniqi, Potoku, Jashari, Gashi, Muçaj, Ajzeraj, Kuç, Baftiu, Topalli, Camcjan. KEK-u: Hodaj, Kutllovci, Vitija, Jashanica, Prishtina, Lleshi, Berisha, Nimani, Dushi, Eminhaziri, Hajdini. |
