FLAMURTARI 0-1 KIKA
Fitore që i nxorri nga fundi
22 November, 2021 @7:51
Skuadra e Kikës së Hogoshtit të Kamenicës ka shënuar fitore jetike në Prishtinë dje, duke e mposhtur Flamurtarin me rezultat minimal 0-1.
Futbollistët e Kikës kanë fituar ndeshjen falë një penalltie, e cila iu shkaktua Eron Kryeziut. Ndërsa nga pika e bardhë i pagabueshëm u tregua Besfort Emini, për rezultatin, që doli të jetë përfundimtar i ndeshjes, Flamurtari - Kika 0-1 [Besfort Emini 21p.].
Në pjesë të dytë Flamurtari nuk arriti të shënojë për të siguruar së paku pikën, derisa mysafirët u mbrojtën mirë për të siguruar tre-pikëshin e dytë të stinorit.
Me këtë fitore, Kika ka dalë nga fundi i renditjes tabelare në Ligë të Parë të Grupit B, ndërsa fundin ia ka lënë Vitisë. Në anën tjetër Flamurtari ka rënë në pjesën e poshtme të tabelës.
Të mos harrojmë, fitoren ekipi i Kikës ia ka dedikuar sulmuesit të dalluar të tyre Lirian Ferati si dhe Laurit Behlulit, që të dy të lënduar.
