FRANCA
Fitore rutinore
15 June, 2014 @22:40
Gjelat francez janë treguar dominant gjatë tërë ndeshjes ndaj Hondurasit sonte. Në pikëpyetje ka qenë momenti i pranimit të golit të parë, derisa Hondurasi luftoi aq sa mundi.
Ka qenë sulmuesi i Real Madridit, Karim Benzema, që ka shënuar golin e parë të Francës nga penalltia, pastaj edhe të dytin që iu regjistrua portierit të Hondurasit, por edhe të tretin.
Te goli i dytë për herë të parë në këtë Botëror u desht ndihma e kamerës për të vërtetuar nëse topi ka kaluar vijën fatale të golit - ku shihej qartë se portieri e kishte futur topin brenda.
Franca të gjitha golat i shënoi pasi që Hondurasi mbeti me 10 lojtarë në fushë, kur ëilson Palacios morri kartonin e dytë të verdhë për tu përjashtuar në minutën e 43-të të ndeshjes.
