INOVACIONI
Spreji magjik apo shkumë për rroje?!
15 June, 2014 @20:27
Tanimë të gjithë e kanë vërejtur risinë e Botërorit, që për brazilianët është një gjë tejet e njohur.
Spreji magjik apo shkumë për rroje!? Asnjëra. është një lloj i aerosolit që siguron Fair-Play gjatë gjuajtjeve të lira që i bëjnë skuadrat.
Referi duhet të përcaktojë vendin prej nga do të ekzekutohet gjuajtja e lirë me këtë sprej dhe pastaj vazhdon për nëntë metra më tutje, ku do të qëndrojë muri i gjallë i ekipit kundërshtar.
Spreji që duket si shkumë për rroje, zhduket brenda maksimalisht dy minutave, derisa nuk ka asnjë efekt anësor.
Zbulimi - që për herë të parë u përdorë në Copa America gjatë vitit 2011, ka për qëllim dy gjëra. Parandalimin e murit të gjallë t’i afrohet topit (ku gati në 100% të rasteve, lojtarët lëvizin kah topi për të penguar shutuesin), si dhe ndalon futbollistin që do ta ekzekutojë gjuajtjen e lirë për ta ndërruar pozitën e faullit ose afruar atë drejt golit.
