Fitorja e parë evropiane, Nikli në finalen preliminare

Kampioni i Superligës së Kosovës në futboll, Feronikeli, në debutimin e tij në Evropë, ka shënuar fitore 1-0 kundër skuadrës nga Gjibraltari Lincoln Red Imps.

Që nga minuta e tretë e ndeshjes, pas një goditjeje të fuqishëm prej 16 metrave, ishte Mendurim Hoti ai që e shënoi golin historik për Niklin.

Në pjesën e dytë, Feronikeli edhe pse nuk zhvilloi një ndeshje aq të mirë, taktikisht u mbrojt mirë, derisa në minutat 79’ me Mevlan Zekën dhe 80’ me Kastriot Rexhën, ishte afër të shënojë përsëri, por sulmuesit e skuadrës nga Drenasi u treguan të pasuksesshëm dhe ndeshja u mbyll me rezultat minimal.

Feronikeli në finale të raundit preliminar të Champions Leagues do të takohet me skuadrën nga Andorra, Santa Coloma, më 28 qershor në Prishtinë.