MIQËSORE
Franca fiton në Amsterdam
25 March, 2016 @22:56
Në një ndeshje e cila pati dy fytyra, me pjesën e parë të dominuar nga francezët dhe me pjesën e dytë të dominuar nga holandezët, fitues dolën këta të parët.
Pas pjesës së parë e cila u mbyll me rezultat 0-2 me golat e Griezmann dhe Giroud, Holanda arriti që të barazonte rezultatin në pjesën e dytë. U mendua që golat e shënuara nga De Jong e Afellay pas dy asistemeve të Memphis Depayt do t’a mbyllnin ndeshjen, mirëpo pak çaste para fundit ishte Matuidi ai i cili i dhuroi fitoren skuadrës së Francës, e cila është edhe nikoqire e Euro2016.
Kjo humbje jep sinjale të qarta që Holanda duhet t’i fillojë ndryshimet nëse dëshiron suksese në të ardhmen, duke marrë parasysh që kjo kombëtare nuk do të jetë pjesë e Euro2016 ndërsa Franca si nikoqire beson në triumf.
Vlen të përmendet fakti që ndeshja u ndërpre në minutën e 14’ dhe u mbajt 1 minutë heshtje për nder të Johan Cruyff, i cili ndërroi jetë dje.
Netherlands 2-3 France - All Goals & Highlights by HaijRJHD
