Franca vazhdon, Peru përshëndetet

Një gol i Kylian Mbappes në minutën e 34’ të ndeshjes ishte i mjaftueshëm që Franca ta fitojë edhe ndeshjen e dytë të Botërorit të Rusisë, për ta siguruar kështu plasmanin në 1/8 e finales.

Nënkampioni i Evropës nuk zhvilloi paraqitje për t’u lavdëruar shumë, mirëpo një gol i mjaftoi dhe kualifikimi u sigurua. Në anën tjetër, edhe përfaqësuesja e Perusë pati rastet e saj, përfshirë edhe një goditje të shtyllës, mirëpo me dy humbje pas dy ndeshjeve, Peru tashmë e ka siguruar edhe matematikisht eliminimin nga faza grupore e Botërorit.

ORARI DHE TABELAT - RUSSIA 2018

Në xhiron e fundit në Grupin C, Franca dhe Danimarka luajnë mes vete, kurse Australia, e cila ende mbetet në lojë, luan ndaj Perusë.