FERRONIKELI
Frymë kampioni
20 March, 2015 @14:59
Një super gol i shënuar nga mesfushori i Ferronikelit, Behar Maliqi, ka qenë i vlefshëm për fitoren dhe tre pikëshin e radhës të ekipit drenicak sot.
Lideri i Superligës ka vazhduar formën tejet të mirë në kampionat duke shënuar fitoren e radhës ndaj Trepçës së fundosur në tabelë.
Me këtë fitore ekipi i Gani Sejdiut, që ka dominuar gjatë gjithë ndeshjes, ka rehatuar edhe për dy xhiro tjera veten si lider, derisa Trepça e Ajet Shoshollit kërkon këndellje emergjente në ndeshjet tjera.
Kjo ka qenë fitorja e tretë me radhë e Ferronikelit në pranverë, derisa kundërshtari i saj i sotëm Trepça, ende nuk ka fituar pikë në pranverë.
Në xhiron e radhës, Ferronikeli pret Ferizajin, ndërsa Trepça udhëton te kampioni aktual, Kosova e Vushtrrisë.
