HIDHET SHORTI
Mësohen edhe çiftet e Europa League
20 March, 2015 @12:50
Në shortin e tërhequr sot në zyret e UEFA-së janë bërë të ditur edhe çiftet çerekfinale të Europa League.
Pasi që mbrëmë siguruan nga një vend në tetëshen më të mirë Europa League: Brugge, Dnipro, Dynamo Kiev, Fiorentina, Napoli, Sevilla, Wolfsburg dhe Zenit St Petersburg sot kanë mësuar rivalin çerekfinal.
Sevilla SPA - Zenit RUS
Dnipro UKR - Brugge BEL
Dynamo Kiev UKR - Fiorentina ITA
Wolfsburg GjER - Napoli ITA
Pas një mbledhjeje urgjente para shortit, UEFA ka dalë me vendim që ekipet ruse dhe ukrainase të mos përballen në çerekfinale për shkak të konfliktit mes këtyre vendeve.
Mbrojtësi i trofeut të Europa League, Sevilla do të ndeshet me rusët e Zenit St Petersburg, derisa ndeshja më interesante çerekfinale pritet të jetë mes Wolfsburgut gjerman dhe Napolit italian.
