Frymëmarrje për Rossonerët

​Më në fund pak frymëmarrje për Mihajlovic. Milan mposht Sampdorian me rezultat 0-2 dhe kalon në çerekfinale të Coppa Italia. Goli i Niang në fillim të pjesës së dytë i dhuroi epërsinë rossonerëve dhe më pas fitorja u vulos në fund të takimit nga Carlos Bacca dhe kështu skuadra e Mihajlovic siguroi një biletë për 1/4 e finales.

Në përgjithësi ndeshja ishte e barabartë por goli i Niang dhe kartoni i kuq i Zukanovic në minutën e 64-të ia lehtësuan gjërat skuadrës nga Milano.

Në çerekfinale Milan do të përballet me Carpin dhe rruga për finale duket e lehtë, duke marrë parasysh që fituesi i këtij dueli do të takojë në gjysmëfinale fituesin e takimit mes Spezias dhe Alessandrias. Ndërsa dy çiftet tjera çerekfinale janë Inter-Napoli dhe Juventus-Lazio.