Kualifikohet Juventus

​Duket që kriza e fillimit të sezonit në kampin juventin ka kaluar. Juventusi pas gjashtë fitoreve rresht në Serie A, të cilat e kthyen në garë për titull, tashmë kalon edhe në 1/4 e finales në Coppa Italia. Dy golat e Simone Zaza i mundësuan skuadrës së Allegrit që të fitonte derbin e qytetit ndaj Torinos dhe kualifikimin për në fazën tjetër.

Ndeshja i takoi tërësisht nënkampionit të Evropës dhe goli i epërsisë erdhi në minutën e 28’. Gjithçka u bë më e lehtë për vendasit pas kartonit të kuq të Molinaros në pjesën e dytë, pas të cilit Zaza dyfishoi epërsinë dhe siguroi fitoren. Më pas edhe Dybala e Pogba lanë shenjat e tyre duke e thelluar edhe më tej rezultatin. Në çerekfinale Juventusi pret fituesin e takimit Lazio-Udinese.