SHQIP NË BOTË
FSV Frankfurt largon një shqiptar
8 January, 2016 @19:35
Mbrojtësi i krahut të majtë, Florijon Belegu, është larguar nga skuadra e tij e deritashme, FSV Frankfurt.
Futbollisti 22 vjeçar ka nënshkruar me një tjetër skuadër gjermane, Berliner AK 07, skuadër kjo që garon në ligën rajonale gjermane.
Lajmin e ka konfirmuar menaxheri i klubit FSV Frankfurt, Clemens Kruger, i cili për faqen zyrtare të klubit tha se ky vendim erdhi pas marrëveshjes së dyanshme me futbollistin.
Belegu ishte transferuar në vitin 2013 nga Eintracht Frankfurti në FSV Frankfurt, mirëpo për shkak të hapësirë së pamjaftueshme për lojë, u detyrua të largohet edhe nga ky ekip.
Aktualisht, pjesë e FSV Frankfurtit janë edhe dy futbollistët e përfaqësueses së Kosovës, Fanol Perdedaj dhe Besar Halimi.
