Largohet Guus Hiddink

​“I kam dy data në mendje: finalen e Champions League dhe finalen e FA Cup. Vendi i katërt është objektiv i vështirë, mirëpo FA Cup mund të arrihet.” 

Kështu e filloi konferencën sot Guus Hiddink, trajner i emëruar tek Chelsea pas shkarkimit të Jose Mourinhos.

Pasi i shfaqi synimet e tij, holandezi konfirmoi që pa marrë parasysh se çfarë ndodhë, ai do të largohet nga Chelsea në fund të sezonit, ashtu siç edhe e thotë kontrata e tij. Më tej, ai shtoi që këtë fundjavë në ndeshjen ndaj Scunthorpes për shkak të lëndimeve do të mungojnë Eden Hazard, Loic Remy dhe Radamel Falcao.

Sa i përket ardhjes së Didier Drogbas në stafin e Chelseat, holandezi u përgjigj: 

“Ne e respektojmë kontratën e tij me klubin e Montrealit dhe nuk ka asgjë të re në lidhje me këtë temë.”