Ftesa për kombëtare me 33 vjet

Roman Weidenfeller, portieri 33 vjeçar i Borussia Dortmundit ka marrë ftesën e parë për kombëtaren gjermane sot nga përzgjedhësi i përfaqësueses, Joachim Low. 

Gjermania do të ndeshet me Anglinë në miqësore, gjatë këtij muaji, ndërsa ëeidenfeller në vitet e fundit ka qenë i jashtëzakonshëm në portën e skuadrës së tij. 

“Manuel Neuer është porteri numër një i kombëtares dhe e dimë që kemi Rene Adlerin dhe Robert Zieler ose Marc-Andre ter Stegen si të rinj,” ka thënë Low në konferencën për shtyp, transmeton Eurosporti në Gjermani. 

“Ne kemi parë performancat e fuqishme të Roman Weidenfellerit në Bundesligë dhe Ligë të Kampionëve dhe tani jemi të lumtur ta kemi edhe atë në kombëtare,” shtoi Low. 

Gjermania do të ndeshet me Italinë më 15 nëntor, derisa katër ditë më vonë do të takohet me Anglinë. Gjermania të dyja miqësoret do t’i luajë si mysafir. Të parën në Milano, të dytën në Londër.