ATLETICO 1-0 BARCELONA
Gabimi i Ter Stegenit i jep fitoren Atleticos në derbi
21 November, 2020 @23:08
Një gabim trashanik i një daljeje të pamatur mirë të portierit gjerman të Barcelonës, Marc Andre ter Stegen, që u konvertua në gol nga largësia prej Yannick Carrascos i dha fitoren Atletico Madridit në Wanda Metropolitano ndaj Barcelonës, 1-0 [Carrasco 45+3].
Me këtë fitore Atletico ka vazhduar serinë e fitoreve në La Liga dhe mban kreun me pikë të njëjta me Real Sociedadin, pasi ka shënuar fitoren e pestë radhazi në elitë.
Përkundër se rezultati tregon vetëm 1-0, Atletico ka dominuar në raste më konkrete për shënim, derisa Barcelona përkundër se mbante topin, thuajse asnjëherë nuk ka pasur raste konkrete për shënim dhe mungesa e një 9-shjeje po vërehet.
Për të shkuar gjërat edhe më keq për Barcelonën, pritet të shihet edhe dalja e detyruar e Gerard Piques, që doli me lot nga ndeshja pas një lëndimi që në shikim të parë u pa të jetë ligament.
Barcelona e Ronald Koemanit ka regjistruar humbjen e tretë në tetë ndeshjet e para të stinorit, përfshirë edhe derbit nga ekipet madrilene. Ndërsa të trija humbjet e Barcelonës përshihen në pesë xhirot e fundit të stinorit.
