Gati i Juventusit

Skuadra e Juventusit është shumë pranë kompletimit të transferimit të dytë për stinorin e ri, pasi më parë ishte bërë zyrtare transferimi i Paulo Dybalas nga Palermo.

Zonja e Vjetër është akorduar me Sami Khediran, i cili pritet të arrijë në Torino brenda 48 orëve për t’i bërë testet mjekësore.

Sipas mediave italiane, Khedira ka arritur marrëveshje për të nënshkruar kontratë katër vjeçare me Juven, nga e cila do të përfitojë rreth 4 milionë euro në stinor, duke mos i përfshirë bonuset.

Kontrata e Khediras me skuadrën e tij të deritashme, Real Madridin, do të skadojë më 30 qershor të këtij viti.